O mítico Corsa adáptase á transición enerxética mellorando a súa sustentabilidade na súa sexta xeración. Para esta andaina o sistema de propulsión conta cunha batería de ións de litio que se recarga automaticamente, así como
novos motores de gasolina de tres cilindros e 1,2 litros con 100cv e 136cv, desenvolvidos especialmente para a
aplicación híbrida. Ambos alcanzan a súa potencia máxima a 5.500 rpm.

Os propulsores están axustados a unha nova transmisión electrificada de dobre embrague de seis velocidades
e a un motor eléctrico de 21 kw/28cv. Todas estas características fano especialmente coidado para a condución en cidades e zonas suburbanas. O máis importante é o traballo do sistema híbrido á hora de axudar ao motor de gasolina ao acelerar, por exemplo, ao arrincar dende parado. Isto é o que máis reduce o consumo cando máis
o necesita o coche, que é durante a condución urbana. A partir de 2025 todos os novos modelos de Opel serán totalmente eléctricos.