Unha opción ecolóxica
Un modelo que lle deu, e segue dando, grandes alegrías a Seat é o León. Un coche que ofrece distintas motorizacións e acabados e que segue sendo atractivo. Ademais ofrece unha oferta comercial adaptada á demanda actual do segmento. Ofrécese cos dous acabados historicamente máis demandados do modelo (Style e FR).
A actualización da oferta de acabados e motores do compacto de Seat fai que o León continúe sendo un automóbil moi competitivo. Este modelo axústase así ás demandas do mercado, e potencia a oferta de motores de 130 cabalos de crecente demanda, que representan a metade das matriculacións do segmento, ademais de ofrecer outras
motorizacións moi interesantes como a deste enchufable que probamos. A bordo do León e-Hybrid nada cambia con respecto ao outro León en termos de habitabilidade e presentación. A calidade percibida interior é realmente moi boa. Os plásticos teñen a firmeza e a dureza correcta.
O cadro de instrumentos dixital pódese personalizar, aínda que algunhas interfaces son máis orixinais que realmente lexibles. A pantalla táctil de dez polgadas con páxinas de inicio personalizables inclúe algunhas pantallas con funcións específicas ao híbrido, como a xestión da batería, as estatísticas de consumo de batería e os fluxos de enerxía.
